Манас шаарынын мэриясынын Маалымат борборунун башчысы болуп Торобеков Каримбек Үсөнбекович дайындалды. Тиешелүү буйрукка Манас шаарынын мэри Абдупата Маткаликов кол койду.

Бүгүн, 16-мартта мэриянын аппарат жетекчиси Нурбек Караев жаңы дайындалган жетекчини эмгек жамаатына тааныштырып, жооптуу ишинде ийгиликтерди каалады.

Торобеков Каримбек Үсөнбекович

1981-жылдын 13-декабрында Жалал-Абад облусунун Базар-Коргон районунун Сейдикум айылында төрөлгөн.

Билими — жогорку.

2004-жылы Кыргыз-Өзбек университетинин тарых жана география адистигин аяктаган.

Эмгек жолу:

05.03.2005-ж. – 30.08.2008-ж. — Жалал-Абад облусунун Базар-Коргон районундагы А. Жумабаев атындагы №44 орто мектебинде тарых мугалими.

01.07.2022-ж. – 16.04.2024-ж. — Кыргыз Республикасынын Жогорку Кеңешиндеги «Ишеним» фракциясынын катчылыгында улук консультант.

16.04.2024-ж. – 22.04.2025-ж. — Кыргыз Республикасынын Жогорку Кеңешинин Борбордук аппаратынын маалыматтык технологиялар бөлүмүндө улук консультант.

Эске салсак, Манас шаарынын мэриясынын Маалымат борборун буга чейин Кабылбек Көчкөнбай уулу жетектеп келген. Ал башка кызматка которулгандыгына байланыштуу ээлеген кызматынан бошотулду.