Манас шаарынын мэриясы, Манас шаардык ички иштер бөлүмү жана “Достук” кайрымдуулук фонду тарабынан биргелешкен кайрымдуулук иш-чарасы өткөрүлдү.

Анын алкагында шаардык эмгек, социалдык камсыздоо жана миграция башкармалыгында каттоодо турган ден соолугунан мүмкүнчүлүгү чектелген өспүрүмдөргө азык-түлүк түрүндөгү жардамдар тапшырылды.

Мындан сырткары, балдардын маанайын көтөрүү максатында “Ариет” балдар чыгармачыл борборунун таланттуу балдары тарабынан чакан концерттик программа тартууланды.

Ошондой эле иш-чаранын жүрүшүндө өспүрүмдөр үчүн түшкү тамак уюштурулуп, аларга кошумча көңүл бурулду.

Иш-чара өзгөчө камкордукка муктаж балдарды колдоо, алардын социалдык абалын жакшыртууга көмөк көрсөтүү жана коомчулуктун көңүлүн кайрымдуулукка буруу максатында уюштурулду.