Манас шаарынын мэринин орун басары Кубанычбек Шерматов Спутник аймактык башкаруусунда аксакалдар сотунун, аялдар кеңешинин, кварталдык комитеттин өкүлдөрүнүн катышуусунда жолугушуу өткөрдү.

Жолугушуунун жүрүшүндө коомдо орун алып жаткан актуалдуу маселелер, айрыкча үй-бүлөлүк зордук-зомбулуктун алдын алуу, жашы жете элек кыздарды эрте никеге тургузуу сыяктуу терс көрүнүштөргө бөгөт коюу багытында талкуу жүргүзүлдү.

Анда катышуучуларга мыйзамдык талаптар, жоопкерчилик чаралары жана түшүндүрүү иштерин күчөтүүнүн зарылдыгы белгиленип, жергиликтүү деңгээлде алдын алуу иштерин жүргүзүү боюнча сунуштар айтылды.