22-декабрь – Энергетиктер күнүнө карата Манас шаарынын мэри Эрнисбек Ормоков энергетика тармагында жана коммуналдык кызмат көрсөтүү мекемелеринде, муниципалдык мекемелерде эмгектенген кызматкерлер менен жолугушуп, энергетиктерди кесиптик майрамы менен куттуктады.

Иш-чаранын жүрүшүндө калаа башчысы энергетиктердин шаар турмушундагы орду өзгөчө экенин белгилеп, кыш мезгилинде калкты үзгүлтүксүз электр энергиясы менен камсыз кылууда алардын эмгеги түйшүктүү экендигин кошумчалады.

Мэр өз сөзүндө шаардагы башкада мекеме-ишканалардын эмгеги мактоого татыктуу экендигин айтып, шаар тургундарынын ыңгайлуу жана коопсуз жашоосун камсыз кылуудагы алардын эмгектерине токтолду.

Иш-чаранын соңунда эмгеги менен айырмаланган бир катар кызматкерлерге Манас шаарынын мэриясынын жана Президенттин Жалал-Абад облусундагы ыйгарым укуктуу өкүлчүлүгүнүн Ардак грамоталары тапшырылды.