БАЛДАРГА МАЙРАМДЫК МААНАЙ ТАРТУУЛАНДЫ

1-июнь — Эл аралык балдарды коргоо күнүнө карата Манас шаардык мэриясынын Кайрымдуулук борбору тарабынан ден соолугунан мүмкүнчүлүгү чектелген балдар үчүн майрамдык иш-чара уюштурулду.

Майрамдык программада балдар ыр-бий аткарып, кызыктуу оюндарга жана көңүл ачуучу сынактарга катышышты.

Иш-чаранын негизги максаты — балдарга кубаныч тартуулоо, коомдун көңүлүн өзгөчө камкордукка муктаж балдарга буруу жана аларды колдоо болуп саналат.